తెలిసి,తెలియక ఎదుటివాళ్ళ మనసుని బాధపెట్టకు.. నువ్వు సరదాకే అని ఉండొచ్చు.. కానీ.. ఆ మాట ఎదుటిమనసుని ఎంతలా గాయం చేస్తుందో ఆలోచించు.. అందుకే ఏదైనా మాట అనేముందు నోరు అదుపులో పెట్టుకో లేకుంటే బాధపడాల్సి వస్తుంది!!
రాజకీయ తగాదాలు.. రాజుకున్న నిప్పులై.. బాంబులతో దద్దరిల్లి.. పేరెన్నికగన్న రాయలసీమ.. నేడు కరువు రక్కసి నోట చిక్కి కన్నీరు పాలవుతుంది ఆదుకునే అండ కోసం ఆశతో చూస్తుంది
మీరెన్ని జెండాలు మార్చినా.. అజెండాల్లో సీమ ఊసేది.. మీరాడే ఆటలు చూసి.. మాకు విసుగైపోయిందయ్యా.. మా కోసం మా యువత వేయి గొంతుకలు ఒక్కటిగా నినదిస్తున్నారు.. సీమ కష్టాన్ని ప్రపంచానికి సెప్తున్నారు మీ నాటకాల పరాదాలు పక్కకి జరిపి ఇకపై జాగ్రత్తగా మసలుకోండి..
తరాల నుండి బానిసత్వ బ్రతుకులు ఇంకెన్నాళ్లు ఈ అవినీతి,అవకాశవాద నాయకులకు కొమ్ముకాస్తావు నీకు పౌరుషం లేదా సీమ బిడ్డ ఒకడి పాదాల చెంత బానిసలా బ్రతుకుటనా రా నీ హక్కుల కోసం పోరాడు కదలిరా వేయి గొంతుకలను ఒక్కటిగా చేసి నినదిద్దాం మన పొగరు చూపిద్దాం✊
నేలరాలిన తారల్లారా.. నెత్తురు చిందిన నేస్తాల్లారా సరిహద్దు ఒడ్డున రక్షకుల్లారా సమరమున సదా సైనికుల్లారా మీరు సైతం లేకుంటే.. మాకు బ్రతుకులేదు.. అందుకే అందుకో మా సలాం..
గుమ్మంలోనే కూర్చుంటే నీ గమ్యాన్ని ఎలా చేరుకుంటావు చెప్పు.. కొన్నాళ్ళు కొన్నిటికి దూరంగా ఉంటేనే నీ లక్ష్యాన్ని చేరుకుంటావు.. ఎలా బ్రతకాలో నేర్చుకుంటే సరిపోదు.. కొన్నిటిని ఓర్చుకోవడం కూడా తెలుసుకో.....
నువ్వు కోరుకునే సముద్రమంత ప్రేమకి నా మనసు సరితూగగలదో లేదో తెలీదు కానీ.. నేను నీపై పెంచుకున్న అంతులేని ప్రేమ ఎంత విశాలమైనదో చూపాలంటే ఆ ఆకాశం కూడా సరిపోదు❤
భారతదేశానికి రాష్ట్రపతిగా విశిష్టసేవలందించి శాస్త్ర సాంకేతికరంగాల పరిశోధకునిగా రచయితగా అసమాన ప్రతిభాపాటవాలు చూపి భారతజాతి కీర్తిపతాకాన్ని తన శాస్త్రీయ మేధాశక్తితో ప్రపంచం ముందు గర్వంగా ఎగరేసిన మహోన్నతవ్యక్తి, భారతరత్న శ్రీ ఏపీజే అబ్దుల్ కలాంగారి వర్ధంతి ఘననివాళులు
దేశానికి అమ్మ స్థానాన్ని ఇచ్చి.. దేశభక్తిని జెండగా మలచి.. నీ స్వాతంత్ర్యాన్ని త్యాగం చేస్తూ.. మా స్వాతంత్ర్యానికై కాపుకాసే సైనికుడా... ఏమిచ్చి నీ రుణం తీర్చుకోగలం🙏✊
నీ మనసులో కలిగే ప్రతి బాధ నీ కన్నీటికి మాత్రమే తెలుస్తుంది.. బ్రతికేది నువ్వే భరించాల్సింది నువ్వే చితి వరకు మోయాల్సింది కూడా నువ్వే అలాంటప్పుడు ఎవరికో చెప్పుకోవాలి నీ బాధని తీర్చుకోవాలని ఎందుకంత ఆరాటం.. నువ్వు చెప్పే మాటల్ని పదిరకాలుగా చెప్పుకుని పరిహాసం చేయటానికే వాళ్లంతా!!
పదిహేనేళ్ల వయసులోనే సహాయనిరాకరణోద్యమంలో పాల్గొని తనని తాను ఆజాదీగా ప్రకటించుకున్న ధీరుడు.. దేశవిముక్తికోసం "సాయుధపోరాటమే" మార్గమని నమ్మిన విప్లవ వీరుడు నాటి,నేటి యువతలో ఉద్యమ స్ఫూర్తిని రగిలించి దేశం కోసం ప్రాణర్పణ చేసిన అమరుడు🙏
అవకాశం రాలేదని బాధపడకు.. సమయం లేదని చింతించకు.. అదృష్టం లేదని కృంగిపోకు.. మనిషిగా పుట్టావని.. ఇంకా బ్రతికున్నావని.. ఏదైనా సాధించగలననే ఆత్మవిశ్వాసం తో.. రేపంటూ నీకోసం ఒకటుందని సంతోషించు.. నీ గెలుపుకి ఎన్నో దారులు కనిపిస్తాయి!!
రక్తం పంచుకుని పుట్టేది చెల్లి.. రక్తాన్ని చిందించి అయినా కాపాడేవాడు అన్న.. అనురాగాన్నిచ్చేది చెల్లి.. అనుబంధాన్ని పెంచేవాడు అన్నయ్య.. చెల్లి చిరునవ్వే అన్నకి ఐశ్వర్యం.. అన్న ఆదరణే చెల్లికి కొండంతబలం.. ఈ ప్రపంచంలోని అన్ని బంధాలకి మూలమే అన్నాచెల్లెల అనుబంధం❤😍😘
ఒంటరిగా అనిపించినప్పుడు.. బాధని పంచుకోవడానికి అక్షరాలు.. భారాన్ని తగ్గించుకోవడానికి కన్నీళ్లు ఊపిరి ఉన్నంతవరకు తోడుండే నేస్తాలు.. బహుశా ఈ ప్రపంచంలో ఇంతకు మించిన ఓదార్పు మరెక్కడా ఉండదేమో.. ఇంకెవ్వరూ ఇవ్వలేరేమో...
మాట.. చేత ఒకటవ్వడమే నిజాయితీ.. నీ వ్యక్తిత్వంతో నువ్వు బ్రతుకు.. నిన్ను ఇష్టపడేవాళ్ళు నీతో ఉంటారు.. లేనివాళ్ళు దూరంగా వెళ్ళిపోతారు.. ఎవరికోసమో నీ వ్యక్తిత్వాన్ని మాత్రం మార్చుకోకు...
మూడుపదులు కూడా దాటని వయసులో తెల్ల దొరలపై పోరాటం చేసిన యోధుడు.. మన్యప్రజలకు మన్యవీరుడిగా చరిత్రలో నిలిచిన ధీరుడు... తెలుగువీర లేవరా అంటూ.. తెల్లవారికి ఎదురునిలిచి.. తెలుగు జాతికి తెగువ నేర్పిన.. మన్నెం వీరుడు..
మొన్న,నిన్న,నేడు నీకు అనుకూలంగా లేకపోవచ్చు.. కానీ.. నీకంటూ నిన్ను నువ్వు నిరూపించుకునేందుకు ఒకరోజు వస్తుంది.. ఎదగాలంటే ఎన్నో రాళ్లదెబ్బలు తట్టుకుని ఎదురుచూడాలి తప్పదు మరి....
రాత్రైతే చంద్రుడికి విలువ పగలు సూర్యుడికి విలువ కానీ ఏది లేకున్నా సృష్టిలేదు సూర్యచంద్రులకే ఒక్కోసారి గ్రహణం తప్పదు సాధారణ మనుషులం మనమెంత చెప్పు ఆటుపోట్లు ఎన్నో తట్టుకుంటేనే ఒడ్డుకి చేరగలవు ఎవరో ఏదో అంటున్నారని నీలో భయాన్ని,అసహనాన్ని తెచ్చుకుని ఆత్మవిశ్వాసాన్ని దూరం చేసుకోకు!!
దేశభద్రత కోసం కన్నతల్లిని,ఉన్న ఊరుని వదిలి బంధాలకి దూరంగా ఉంటూ అవినీతి పందికొక్కులు దేశాన్ని అంగడిబొమ్మగా చేసి అమ్ముతున్నా మీరు మాత్రం భరతమాతని ముష్కరుల నుండి కంటిమీద కునుకు లేకుండా కాపాడతారు ఏమిచ్చినా, ఎంతచేసినా సైనికుడి రుణం తీర్చుకోలేనిది!!
అస్తమిస్తున్న వెలుగు ఉదయించడానికే.. ఆవిరవుతున్న నీరు వర్షించడానికే.. ఎండిపోతున్న కొమ్మ మళ్ళీ చిగురించడానికే.. అలాగే.. ఓడిపోతున్న నువ్వు గెలవడానికే.. ఓటమి వచ్చిందని బాధతో ఆత్మవిశ్వాసాన్ని మాత్రం కోల్పోకు!!
నిన్ను నలుగురు మోసే రోజు.. ఆ నలుగురిలో ఒకడైనవాడే నీ స్నేహితుడు... ఆరోజు తన అంతిమయాత్రను సైతం వాయిదా వేసుకుని నీముందు వాలిపోయే వాడే.. నిజమైన స్నే'హితుడు' స్నేహితులు చెడ్డవాళ్ళు ఉంటారేమో కానీ... స్నేహం అనే పదం మాత్రం ఎప్పటికి అమూల్యమైనదే!!
నిన్ను కలిసేందుకై ప్రయాణం చేసే పరుగాపని కెరటం నేను నా రాకకై నీలాకాశం సాక్షిగా నిరీక్షించే తీరం నువ్వు నీగుండెలపై సేదతీరే ఆక్షణం చాలు మరోజన్మ వరకు సరిపోయే ప్రేమని పొందడానికి..
నిన్నే కదా తలచాను దానికి చినుకుల సైన్యమెందుకు.. నీ మనసే కదా కోరాను మరి మెరుపుల దాడి ఎందుకు.. కాదంటే నల్లని మబ్బులా నిలిచిపో.. కష్టమైతే వేడి గాలిలా వీచుకో.. అంతేగాని నాపై కురిసి నా ప్రేమని కరిగించకు!!
మనిషికి మనసున్నదని చెప్పేది మరో మనసున్న మనిషే.. మన జీవితంలో ఎన్ని ప్రయాణాలు చేసినా.. ఎక్కడున్నా.. ఎవరితో ఉన్నా.. మన మనసులో ఉన్న ఆ మనిషిని మర్చిపోకపోవడమే ప్రేమ!!
జీవితమనేది నువ్వు నడిచే దారి లాంటిది.. నీకు తోడుగా నడిచేవాళ్ళు ఉంటారు కానీ.. నీకు బదులుగా నడిచే వాళ్ళు ఉండరు ఆ దారిలో ముళ్ళు,రాళ్లున్నా వాటిని దాటుకుంటూ నువ్వే నడవాలి..
ప్రతి జన్మలో నీతో ఒక బంధం కావాలని.. ఏ జన్మలోనూ నేను తీర్చలేని ఋణానివై ఉండిపోవా.. మరు జన్మలో కూడా నాతో కలిసి ఉంటానని మాటివ్వవా.. వేచి చూస్తుంటా నీకై ప్రతి జన్మలో నీ ప్రాణంలా...
నేనేలేని నాలో నిను దాచుకున్నా.. నీతోనే బ్రతుకంటూ కలలెన్నో కన్నా.. ఏ చోట నీవున్నా నీవెంటే వస్తున్నా.. నా ప్రేమ వివరింప మౌనమై పోతున్నా.. తెలిసిందా ఎపుడైనా నీ మనసుకైనా.. తనని నీకంటే మిన్నగా ప్రేమిస్తున్నా...